Грандыёзны флэшмоб і адкрыццё юбілейнай выставы. Гродзенскі медуніверсітэт адзначае 65-гадовы юбілей!

Юбілейны тыдзень пачаўся з дня моладзі і грандыёзнага флэшмоба, які прайшоў на галоўнай плошчы ўніверсітэта і даў старт чарадзе мерапрыемстваў. Удзел у адкрыцці юбілейнага тыдня прынялі рэктар, прарэктары, дэканы факультэтаў, загадчыкі кафедрамі, супрацоўнікі і студэнты ГрДМУ.

Да прысутных звярнуўся рэктар ГрДМУ Ігар Георгіевіч Жук:

- Сёння мы афіцыйна адкрываем юбілейныя мерапрыемствы, прысвечаныя 65-годдзю Гродзенскага дзяржаўнага медыцынскага ўніверсітэта! Сённяшні дзень ідзе пад знакам «Дзень моладзі». І нездарма, таму што асноўную частку ўніверсітэта складаеце вы – паважаныя студэнты, маладыя спецыялісты і маладыя навукоўцы. Менавіта для вас створаны і арганізаваны наш універсітэт! Кожны дзень носіць тэматычны характар, таму тыдзень будзе насычаны! Я запрашаю ўсіх вас прыняць актыўны ўдзел у святкаванні юбілею ўніверсітэта. Хачу пажадаць нашай Alma Mater далейшага росквіту, а вам – здароўя, міру, дабрабыту, поспехаў у вучобе і працы!

Далей адбылося адкрыццё юбілейнай выставы «65 першых крокаў у гісторыі». На выставе прадстаўлена шматлікая медыцынская экспазіцыя, дзе кожны жадаючы можа ўбачыць рэдкія экспанаты ВНУ.

- Юбілейны тыдзень даў старт падзеям, якія мы хочам прысвяціць вам, цяперашняму пакаленню, але ў той жа час заўсёды варта памятаць пра мінулае. І гэтая выстава прысвечана маленькім, але вельмі упэўненым крокам нашага ўніверсітэта ў будучыню. Бо гісторыю робіць кожны, хто праходзіў, праходзіць і будзе праходзіць праз наш універсітэт. Таму хочацца, каб і вы, паважаныя студэнты, сваімі крокамі ўжо зараз вызначалі будучыню нашага ўніверсітэту! - адзначыў першы прарэктар ГрДМУ Андрэй Віктаравіч Болтач.

Акрамя таго, у выставачнай прасторы размясцілася персанальная фотавыстава Сяргея Сяргеевіча Васілеўскага «Равеснікі ўніверсітэта», якая падарыла шмат успамінаў і ўсмешак усім глядачам.