Гімн і сімволіка

Гiмн
Гродзенскага медыцынскага ўнiверсiтэта

Словы Віктар Варанец
Музыка Андрэй Пакаціла

Наш медыцынскі універсітэт,
Табе ўся слава, гонар і пашана!
Ты дорыш юным душам ведаў свет
І вучыш быць праўдзівым без заганаў!

Мы ўсе сям’я: выкладчык і студэнт.
Ты – наша alma mater назаўсёды!
Наш незабыўны універсітэт
Сабраў пад дахам розныя народы.

Сівога Гродна цудны дыямент
Над Нёманам узняўся на стагоддзі,
Наш мілы сэрцу універсітэт,
Заўсёды будзь апетым у народзе.

Ты столькі год вядзеш нас за сабой,
Табе адданы мы да скону веку.
Нам кажаш чыстымі быць сэрцам і душой
І паважаць у кожным чалавека!

Красуй далей без роспачы і бед,
Гасцінным будзь для новых пакаленняў,
Наш медыцынскі універсітэт –
Адзіны лёс, адзіныя імкненні!

Дызайн знака заснаваны на выкарыстанні традыцыйных элементаў медыцынскай адукацыйнай сімволікі. Гэта кніга, Посах Асклепія, класічны шчыт з двухмоўнай назвай навучальнай установы і яе абрэвіятурай. Усе элементы размешчаны на “промнях ведаў”, якія свецяцца.

Каляровая гама знака

Чырвоны колер асацытруецца з жыццём, серабрысты – з медыцынскім інструментарыем, белы – з класічным медыцынскім халатам.

Сцяг

Знак (лагатып) і колер у фірменным стылі ўніверсітэта