Дэрматавенералогіі

Адрас: 230025, г. Гродна, вул. Будзёнага, 2 (стацыянарнае аддзяленне ДБУ "ГАКСВД")

г. Гродна, вул. Дамброўскага, 41 (паліклінічнае аддзяленне ДБУ "ГАКСВД")

Тэлефон: +375152620219

Эл. пошта: dermatgr@gmail.com

Загадчык кафедры - д.м.н., прафесар Хворык Дзмітрый Фёдаравіч

Кафедра дэрматавенералогіі – вучэбна-структурнае падраздзяленне Гродзенскага дзяржаўнага медыцынскага ўніверсітэта, якое размяшчаецца на базе стацыянарнага і паліклінічнага аддзяленняў Гродзенскага абласнога клінічнага скурна-венералагічнага дыспансера.

Кафедра скурных і венерычных хвароб арганізавана ў 1961 г. У 2002 г. структурнае падраздзяленне перайменавана ў кафедру дэрматавенералогіі з курсам эндакрыналогіі, з 2008 г. – кафедру дэрматавенералогіі. У розны час кафедру ўзначальвалі Л.Р. Лясун (1961-1963 гг.), Л.І. Гакінаева (1963-1978 гг.), Л.У. Шаўлякоў (1978-1987 гг.), П.Д. Гуляй (1988-2004 гг.), В.С. Царыкавіч (2004-2005 гг.). З 2005 г. кафедру ўзначальвае Д.Ф. Хворык. У розныя гады на кафедры працавалі высокакваліфікаваныя спецыялісты: к.м.н. В.Р. Роўкач (1962-1980 гг.), Н.А. Касценіч (1964-1965 гг.), к.м.н. П.І. Дзюрдзь (1977-1990 гг.), к.м.н. А.І. Конча (1980-1999 гг.), Л.А. Кавальчук (1990-2017 гг.), А.С.Ярмолiк (2014-2020 гг.).

Кафедра ажыццяўляе падрыхтоўку кадраў з вышэйшай адукацыяй па дысцыпліне: «Дэрматавенералогія» па спецыяльнасцях: «Лячэбная справа» 1-79 01 01, «Педыятрычная справа» 1-79 01 02, «Медыка-псіхалагічная справа» 1-79 01 05 “Медыка-дыягнастычная справа» 1-79 01 04 і «Сястрынская справа» 1-79 01 06. Планаванне і размеркаванне вучэбна-метадычнай, выхаваўчай, лячэбнай і навуковай відаў работ праводзіцца ў адпаведнасці з нарматывамі, зацверджанымі загадамі міністэрстваў адукацыі і аховы здароўя Рэспублікі Беларусь, загадамі рэктара ўніверсітэта. Выкладанне дысцыпліны ажыццяўляецца згодна з зацверджанымі вучэбнымі праграмамі, распрацаванымі на аснове тыпавых і базавых, па спецыяльнасцях: “Лячэбная справа”, “Педыятрычная справа”, “Медыка-псіхалагічная справа”, “Медыка-дыягнастычная справа” і “Сястрынская справа”.

Супрацоўнікі кафедры дэрматавенералогіі актыўна працуюць па прыцягненні студэнтаў да ўдзелу ў навукова-даследчай рабоце. На кафедры функцыянуе студэнцкі навуковы гурток. Функцыянуе клінічная ардынатура і аспірантура. Выхаваўчая праца з'яўляецца часткай адзінага мэтанакіраванага працэсу адукацыі на кафедры.

Супрацоўнікі кафедры дэрматавенералогіі аказваюць дапамогу практычнай ахове здароўя: праводзяць штодзённыя ранішнія канферэнцыі, рэгулярна ажыццяўляюць агляды пацыентаў, кансультуюць асоб, накіраваных абласнымі і гарадскімі медыцынскімі ўстановамі, таксама аказваюць кансультатыўную дапамогу дэрматавенералагічнай службе Брэсцкага рэгіёну.

75% супрацоўнікаў маюць навуковыя ступені, так з 8 штатных супрацоўнікаў прафесарска-выкладчыцкага складу: доктар медыцынскіх навук - 1, кандыдаты медыцынскіх навук - 5, неаступененых- 2.

За апошнія 5 гадоў супрацоўнікамі кафедры апублікаваны: 1 манаграфія, 81 артыкул, 27 тэзісаў, атрыманы 11 актаў укаранення ў навучальны і 4 акты ў лячэбны працэс, рацпрапанова.

Асноўныя напрамкі даследаванняў кафедры:

- Вызначэнне гарманальнага дысбалансу ў пацыентаў з хранічнымі дэрматозамі;

- Вывучэнне абмену вітамінаў і мікраэлементаў у асоб з псарыязам;

- Распрацоўка новых метадаў дыягностыкі і лячэння хранічных запаленчых захворванняў мачавыпускальнага тракта хламідыйнай этыялогіі.