Гісторыя

Кафедра агульнай хірургіі арганізавана ў верасні 1960 г. на базе 4-й гарадской клінічнай бальніцы г.Гродна і мае 120 хірургічных ложкаў. За апошні час значна палепшылася навучальная база. Кафедра мае 11 навучальных пакояў, кабінеты загадчыка, прафесараў, дацэнтаў і асістэнцкіх.

У апошнія 10 гадоў навуковая тэматыка кафедры наступная: 1. «Рэканструктыўная гастраэнтэралогія: прафілактыка і лячэнне аперыраванага страўніка». 2. «Пытанні патагенезу і лячэння вострага панкрэатыту. Постхалецістэктамічны сіндром». 3. "Вывучэнне, распрацоўка, укараненне ў хірургічную практыку метадаў і спосабаў лячэння пацыентаў з залішняй масай цела". 4. «Удасканаленне спосабаў лячэння пасляаперацыйных вентральных кіл».

Уклад супрацоўнікаў кафедры агульнай хірургіі ў развіццё практычнага і навуковага хірургічнага патэнцыялу РБ і Гродзенскага рэгіёну вызначаецца абаронай 8 дысертацый на суісканне вучонай ступені доктара медыцынскіх навук, 27 на суісканне вучонай ступені кандыдата медыцынскіх навук. Значны ўклад супрацоўнікаў кафедры ў развіццё аховы здароўя Беларусі і Гродзенскага раёна забяспечаны апублікаванымі манаграфіямі на падставе праведзеных даследаванняў і атрыманых вынікаў.

За апошнія 10 гадоў выдадзена 7 падручнікаў, у тым ліку 5 з грыфам МА РБ, 5 вучэбна-метадычных дапаможнікаў, 5 інструкцый па прымяненні, зацверджаных МЗ РБ, 7 метадычных рэкамендацый для ўрачоў і студэнтаў, атрымана 19 патэнтаў на вынаходніцтвы, укаранёна 99 рацыяналізатарскіх прапаноў , апублікаваны 494 друкаваныя працы, з іх 126 артыкулаў у часопісах РБ, блізкага і далёкага замежжа. Кафедра з'яўляецца арганізатарам міжнародных сімпозіумаў. Выкладанне прыватнай і агульнай хірургіі вядзецца і на англійскай мове. Арганізаваны электыўны курс па выбары для студэнтаў 4-6 курсаў трох факультэтаў універсітэта па эндаскапічнай хірургіі.

Выкладанне на кафедры вядзецца непарыўна з лячэбным працэсам: студэнты бяруць удзел у аглядах пацыентаў, праводзіцца дэманстрацыя хірургічных маніпуляцый, назіранне за ходам аперацый.