Вучэбная работа

Кафедра паталагічнай фізіялогіі імя Д.А.Маслакова забяспечвае ажыццяўленне адукацыйнай, навуковай дзейнасці, а таксама вучэбна –метадычнай работы па вучэбных дысцыплінах: «Паталагічная фізіялогія» студэнтам 3 курса лячэбнага, замежнага, педыятрычнага, медыка-псіхалагічнага і медыка - дыягнастычнага факультэтаў (МДФ) і «паталогіі» – студэнтам 2–га курса сястрынскага аддзялення МДФ, а таксама ажыццяўляе навучанне ў магістратуры па спецыяльнасці «1–79 80 29 – «Паталагічная фізіялогія, фізіялогія».

Кафедра мае 6 навучальных аўдыторый, лабараторыю, міжкафедральны камп’ютарны клас, службовыя памяшканні. Згодна са штатным раскладам на кафедры ёсць 9,0 ставак прафесарска – выкладчыцкага складу і 3,5 стаўкі вучэбна – дапаможнага персаналу. Заняткі са студэнтамі праводзяцца штотыдзень на працягу навучальнага года (34 тыдні). Працягласць заняткаў – 3 гадзіны. На працягу навучальнага года чытаюцца 9 лекцый па асноўных раздзелах патафізіялогіі. Супрацоўнікамі падрыхтаваны шэраг навучальных і вучэбна-метадычных дапаможнікаў для студэнтаў розных факультэтаў, уключаючы «Прэзентацыі лекцый», дапаможнікі для падрыхтоўкі да практычных заняткаў па паталагічнай фізіялогіі «Паталогія абмену рэчываў», «Паталогія сістэмы крыві і гемастазу». Тры дапаможнікі выдадзены з грыфам Мінадукацыі РБ, 3 дапаможнікі з Грыфам ВМА РБ. З мэтай аптымізацыі падрыхтоўкі да заняткаў для студэнтаў усіх факультэтаў распрацаваны электронныя вучэбна – метадычныя комплексы. Шэраг дапаможнікаў падрыхтаваны на англійскай мове. Штогод у канцы 6 – га семестра сярод студэнтаў праводзіцца алімпіяда. У навучальным працэсе выкарыстоўваюцца інфармацыйна – камунікатыўныя адукацыйныя тэхналогіі. На кафедры на працягу некалькіх гадоў функцыянаваў факультатыў «Паталогія сістэмы крыві і гемастазу".

ВЫНІКОВАЯ ФОРМА КАНТРОЛЮ І СТРУКТУРА

На працягу навучальнага года студэнты здаюць два выніковыя заняткі: адно выніковае ў першым семестры па тэме:  «Паталогія абмену рэчываў і клеткі», другое – у другім семестры па тэме: «Паталогія сістэмы крыві і гемастазу». Студэнты медыка-псіхалагічнага факультэта замест выніковага па  «Паталогіі крыві і гемастазу» здаюць выніковае па «Паталогіі нервовай і эндакрыннай сістэм». У канцы года студэнты здаюць экзамен, які ўключае вусныя пытанні, прадугледжвае веданне тэарэтычных пытанняў, практычных навыкаў з рашэннем сітуацыйных задач, аналіз гемаграмы, гемастазіяграм і інш., а таксама камп'ютэрнае тэсціраванне.

Патрабаванні да ведаў і практычных навыкаў

ПРАДСТАЎЛЕННЕ ПАСЛЯЎНІВЕРСІТЭЦКАЙ АДУКАЦЫІ

Падрыхтоўка навукова – педагагічных кадраў праводзіцца праз аспірантуру, магістратуру і дактарантуру.