Гiсторыя

Ініцыятарам стварэння факультэта з псіхалагічным ухілам быў чалавек перадавых поглядаў - першы прарэктар Гродзенскага дзяржаўнага медыцынскага інстытута Васільеў Уладзімір Сямёнавіч.

У красавіку 1993 года было прынята рашэнне аб арганізацыі медыка-псіхалагічнага факультэта (далей - МПФ). У гэтым жа годзе быў ажыццёўлены першы набор студэнтаў. Міхаіл Міхайлавіч Пяткевіч адначасова ўзначальваў педыятрычны, медыка-псіхалагічны факультэты і аддзяленне медыцынскіх сясцёр з вышэйшай адукацыяй. З кастрычніка 1997 г. кіраваў факультэтам Генадзь Рыгоравіч Мармыш, а з мая 1998 г. - Канстанцін Усцінавіч Вiльчук.

З 1 верасня 1998 г. загадам рэктара інстытута арганізаваны самастойны медыка-псіхалагічны факультэт, першым дэканам прызначана Шамава Таццяна Міхайлаўна.

Таццяна Міхайлаўна - выбітны навуковец, доктар і педагог, з энтузіязмам і душой падышла да арганізацыі вучэбна-метадычнай і выхаваўчай работы на факультэце.

Выпускнікі МПФ розных гадоў з цеплынёй гавораць аб адносінах з дэканам Шамавай Т.М., з радасцю спатыкаюцца на вечарах сустрэчы, дзеляцца свом дасягненнямі і момантамі з жыцця.

З 2006 года па 2010 год медыка-псіхалагічны факультэт узначальвала дацэнт Карпюк Валянціна Аляксееўна. Валянціна Аляксееўна сур'ёзна падышла да фарміравання кадравага складу кафедр МПФ, распрацоўцы і прасоўванні навучальнага забеспячэння дзейнасці факультэта. Карпюк В.А. узначальвала службу псіхатэрапеўтычнай дапамогі ў Гродзенскай вобласці, унесла вялікі ўклад у арганізацыю паслядыпломнай адукацыі псіхатэрапеўтаў і псіхіятраў-нарколагаў.

З 2010 года па 2019 год на пасадзе дэкана працавала прафесар Шамава Таццяна Міхайлаўна. Факультэт адзначыў 20-ці і 25-годдзе, сустрэліся выпускнікі розных гадоў, былі праведзены навукова-практычныя канферэнцыі.

У 2020 годзе дэканам прызначана ўжо выпускнік медыка-псіхалагічнага факультэта дацэнт Бойка Святлана Леанідаўна.

У канцы 2020 года была пацверджана дзяржаўная акрэдытацыя па спецыяльнасці 1-79 01 05 "Медыка-псіхалагічная справа", у чэрвені 2021 года – адукацыйная праграма "Медыка-псіхалагічная справа" атрымала сертыфікат аб міжнароднай акрэдытацыі.

З улікам развіцця клінічнай псіхалогіі, як навукі, кафедра медыцынскай псіхалогіі і псіхатэрапіі была перайменавана ў кафедру псіхатэрапіі і клінічнай псіхадыягностыкі, і да 2022 года кафедру ўзначальваў вядомы беларускі вучоны Асановіч М. А., з 2022 года – выпускніца медыка-псіхалагічнага факультэта Лугаўская А. А.

У склад медыка-псіхалагічнага факультэта ўваходзяць 8 кафедр: псіхалогіі і педагогікі, псіхатэрапіі і клінічнай псіхадыягностыкі, псіхіятрыі і наркалогіі, неўралогіі і нейрахірургіі, медыцынскай рэабілітацыі, 2-я кафедра ўнутраных хвароб, 2-я кафедра хірургічных хвароб, кафедра сацыяльна-гуманітарных навук. Кафедры псіхатэрапіі і клінічнай псіхадыягностыкі, псіхіятрыі і наркалогіі з'яўляюцца выпускаюць.

На кафедрах МПФ працуюць сем пазаштатных спецыялістаў Галоўнага ўпраўлення аховы здароўя Гродзенскага аблвыканкама па розных напрамках медыцынскай дапамогі. У 2024 годзе была павялічана колькасць выездаў супрацоўнікаў універсітэта, галоўных пазаштатных спецыялістаў Галоўнага ўпраўлення аховы здароўя Гродзенскага аблвыканкама для аказання арганізацыйна-метадычнай дапамогі маладым спецыялістам урачам-псіхіятрам-нарколагам і ўрачам-псіхатэрапеўтам на месцах.

ГрДМУ прымае ўдзел у падрыхтоўцы планаў і праграм інтэрнатуры. Так, у 2022 годзе супрацоўнікамі кафедраў МПФ забяспечана распрацоўка планаў і праграм інтэрнатуры па спецыяльнасцях «Псіхіятрыя і наркалогія», «Псіхіятрыя і наркалогія (дзіцячая)», «Псіхатэрапія».

У 2022 годзе завершана рэалізацыя пілотнага праекта Міністэрства аховы здароўя Рэспублікі Беларусь па стварэнню і развіццю Цэнтра маніторынгу прафесійных рызык і псіхалагічнай падтрымкі медыцынскіх работнікаў пры медыка-псіхалагічным факультэце. Дарожная карта выканана ў поўным аб'ёме.

Рэалізавана акадэмічная мабільнасць для студэнтаў 5-6 курса МПФ (БДМУ-ГрДМУ). Заключаны шэраг дагавораў аб міжнародным супрацоўніцтве.

Самыя высокія лічбы прыёму на спецыяльнасць "Медыка-псіхалагічная справа" назіраліся ў 2019-2020 гадах - па 135 чалавек штогод, што было абумоўлена патрэбнасцю ва ўрачах-псіхіятрах-нарколагах і ўрачах-псіхатэрапеўтах. Запланаваны набор на 2024/2025 навучальны год выкананы - 90 навучэнцаў і 60% мэтавай набор па спецыяльнасці! На факультэце актыўна працуе рада студэнцкага супраўлення, інстытут куратарства.

За 2019-2024 гады на пасады "лекар-псіхіятр-нарколаг", "лекар-псіхатэрапеўт" размеркавана 273 выпускнікоў па спецыяльнасці "Медыка-псіхалагічная справа". Большасць выпускнікоў накіравана ў Брэсцкую, Гродзенскую, Мінскую вобласці і г. Мінск.

За 35 гадоў на факультэце падрыхтавана 1287 урачоў, 91 выпускнік атрымалі дыплом з адзнакай. Каля 25% выпускнікоў факультэта з'яўляюцца кіраўнікамі структурных падраздзяленняў псіхіятрычных і наркалагічных устаноў аховы здароўя.

Выпускнікі факультэта шырока запатрабаваны не толькі ў сістэме аховы здароўя нашай краіны, але працуюць у розных арганізацыях Міністэрства працы і сацыяльнай абароны, Міністэрства ўнутраных спраў, Міністэрства адукацыі, Дзяржаўнага камітэта судовых экспертыз.

Сярод выпускнікоў факультэта – вядомыя ўрачы і арганізатары аховы здароўя: Лойка А.М. (кіраўнік МРЭК Гродзенскай вобласці), Тураў А.Р. (галоўны ўрач АПБ), Катаргіна К.Л. (намеснік галоўнага ўрача Мінскага АКЦ "Псіхіятрыя-Наркалогія"), Казакевіч Ю.К. (загадчык дыспансера Маладзечанскай ЦРБ), Отчык Б.А. (загадчык паліклінікі Дзятлаўскай ЦРБ), Лазарэвіч Д.С. (галоўны ўрач Гродзенскага абласнога клінічнага цэнтра "Псіхіятрыя-наркалогія"), Будякоў А.С. (загадчык дыспансера Салігорскай ЦРБ), шэраг загадчыкаў аддзяленняў цэнтра – Варанец А.У., Палтарак В.А., Жыгар А.М., Фёдараў А.Я., Хартоўская А.Я.

На 01.09.2024 года на факультэце навучаецца 549 студэнтаў, выпуск 2024 года (26-ы выпуск МПФ) – 81 урач.