"Катарсіс" поздравляет с Всемирным днем поэзии!

Шаноўнае спадарства!

21 сакавіка адзначаецца Сусветны дзень паэзіі. Літаратурны клуб “Катарсіс” віншуе вас з гэтым святам і дорыць нізку вершаў сяброў клуба. Чытайце вершы, пішыце вершы – і свет стане больш добрым і чулым!

         Кіраўнік літаратурнага клуба “Катарсіс” В.І.Варанец

Дзежыц Кацярына

* * *

З дзяцінства ў памяці куток,

Дзе шчасце з раніцы да ночы,

Дзе грэе бацькавы парог,

І дзе маё маленства ходзіць.

 

Я тут сустрэну новы дзень -

І сэрца радасна заб’ецца.

Пакліча івы ўтульны цень,

І Нёман хваляй засмяецца.

 

Усё мне роднае да слёз,

Схаваць пачуцці я не ў сілах.

Мне б дакрануцца да нябёс,

Расправіўшы за спінай крылы!

 

На жаль, ў будзённай мітусні

Пра хараство забыцца мусім.

Ды пранясём мы праз ўсе дні,

Сваю любоў да Беларусі.

Пазнаёміцца з іншымі вершамі 4-га выпуску літаратурнай гасцёўні "Катарсіса" магчыма па спасылцы.